“Inoiz gehiago ez!” faxismoaren,
xenofobiaren, arrazakeriaren, sexismoaren eta LGTBfobiaren aurka borrokatzeko
Euskal Herrian eratu berri den taldea da, eta bertan elkarrekin euskal gizarte
mugimenduko hainbat elkarte, alderdi politiko eta sindikatu lan egiten ari dira
Euskal Herrian hasi berri den faxismoaren mehatxuari aurre egiteko.
Asteburu honetan, Bertran Cazorla
kazetari katalanarekin eta David Karvala Unitat Contra el Feixisme i el Racisme-ko
(UCFR) aktibistarekin, plataforma honen lehenengo ekitaldi publikoan parte
hartzeko aukera izan dugu, Herrialde Katalanetan faxismoaren eta arrazakeriaren
kontrako daukagun elkarrekiko borroka azaltzeko.
Bilbon, Zirika Herri Gunean, eta
Gasteizen, Gaztetxean, bi hitzaldi egin ditugu, ondorengo eztabaida zabal
batekin. Bertan, Cazorla gaur egingo faxismoaren gorakadari buruz mintzatu da,
gero Karvala UCFR-ko esperientzia azaltzeko eta azkenean nik El Vendrellen,
gaur egun Plataforma per Catalunya (PxC) alderdi faxista eta arrazistak
zinegotzi gehien duen udala, eguneroko borroka antifaxista azaldu dut.
Gure aurkezpenen ondoren,
hitzaldietara etorritako ikusleak haien ikuspuntua azaltzeko aukera izan dute,
zalantzak galdetzeko eta “Inoiz gehiago ez!” lelopean hazten ari denari buruz
hitz egiteko.
Oso esperientzia polita izan da.
Etxera itzuli ahal izatea, bertan gure esperientzia azaldu ahal izateko,
faxismoaren borroka hedatu ahal izateko eta, batez ere, faxismoaren aurka
borrokatzeko elkartasunak duen garrantzia hautemateko, bai eurek, bai gu geuk.
Bihotzez, espero dut plataforma
hau aurrera jarraitu ahal izatea eta Euskal Herrian mehatxatzen hasi berri
diren faxistekin amaitu ahal izatea.
Elkartasuna da faxismoaren kontra
daukagun tresnarik handiena. Erabili dezagun, ba!
No hay comentarios:
Publicar un comentario