Eztabaidarako lekurik ez dago: Wert legearen kontrakoak
gehiengokoa gara. Eta holan ikustarazi dugu gaur Hego Euskal Herrian, Galizan,
Herrialde Katalanetan… eta Estatu espainoleko leku guztietan kalera irten garen
milaka eta milaka lagunok; irakasleak, gurasoak, ikasleak…
Hala ere, Ikasle eta langile hainbat sindikatuk ez dute
bat egin greba deialdiarekin, eta kalitatezko hezkuntza publiko baten alde
borrokatzen duen ikasle bezala, jokabide hau salatzeko eskubidean eta beharrean
ikusten dut nire burua.
Uler ditzaket guztiz ezberdinak diren elkarteen arteko
arazoak, baina gaurkoan denok elkarrekin defendatzen dugun gauza baten alde
irten gara borrokatzera: hezkuntza publikoa. Eta horretarako, hezkuntza publikoaren
alde egunero borrokatzen dugun guztion elkartasuna behar dugu. Zergatik? Wert
eta Espainiako gobernuari arrazoia emango diegulako, gure artean sakabanaketa
dagoela argudiatuz.
Zein izango litzateke arazoa greba deialdiarekin bat egin
ez duten erakundeek bat egin izango balute, baina haien aldarrikapenekin? Zein
izango litzateke arazoa denok elkarrekin borrokatuko bagenu gure guraso eta
aitite-amamak odol eta izerdiarekin lortu dutena defendatzeko?
Ezberdintasunak asko dira, bai. Baina elkartzen gaituen
horretan elkartu behar gara. Horrela ez bada, inoiz ez dugu geldituko ezta
LOMCE, ezta Wert, ezta Rajoy, ezta Bankia, ezta murrizketak… ere.
“La unión hace la
fuerza”, eta indarrik gabe ez dugu borroka hau irabaziko. Beraz,
elkartasunik gabe ez dugu borroka bat ere ez irabaziko.
Zorionak gaur hezkuntza publikoaren alde kalera irten
zareten guztioi. Eta zorionak ere egunero hezkuntza publikoaren alde
borrokatzen duzuen guztioi esker. Bidea luzea da, borroka luzea da, baina gure
akatsetatik ikasten egingo dugu bidea, eta irabaziko dugu borroka.
EGURRE!
No hay comentarios:
Publicar un comentario